Aurten Euskadiko Harri-zulatze III.Txapelketa, Gallartan egingo da

      Denboraldi honetan sailkatu diren lehenengo zortzi taldeek hartuko dute parte. Bizkaiko sei talde eta Gipuzkoako bi talde dira. Aipatu ere lehenengo aldia dela txapelketa honetan Gipuzkoako bi talde batera jokatzen dutela. Iaz bezala froga bakar bat baino ez da izango, irupena 30 minutukoa;  berotzeko eta eskuak prestatzeko beste 20 minutu gehituko zaizkio, eta beste 20 minutu lehiaren ostean neurketak egin eta sariak banatzeko.

      Txapeldun izendatuko da 30 minutuan 10 zentimetroko zulorik gehien egingo duen taldea. Talde bakoitzak hiru harrizulatzaile, botileroa eta epailea izango ditu. Bi epaile nagusi egongo dira. Hauek izango dira aurten parte hartuko duten taldeak:   

TXORIERRI                  Zamudio         Bizkaia

GALLARTA                    Gallarta         Bizkaia

BURDIN GAZTEAK        Ortuella         Bizkaia

KABIEZES                   Santurtzi         Bizkaia

ERREKATXO               Barakaldo        Bizkaia

KZ KOLPEKA               Santurtzi         Bizkaia

JAIZUBIA                   Hondarribia     Gipuzkoa

ALTZO                           Altzo           Gipuzkoa

      Guzti honek ahalik eta oihartzun zabalen izan dezan, zuk lan egiten duzun komunikabidera jotzen dugu, alde batetik, aurreko informazioa dagokion lekuan plazara dezazun, eta beste aldetik, gure gonbidapena jasotzeko ospakizun egunean gurekin izan zaitezen.